مكنش حد متوقع مننا ان اليوم ده هيحصل فيه حاجه هنفضل نضحك طول عمرنا كل ما نفتكرها ..حقيقي من أحلي المواقف اللي حصلت معاياهو ايه بأه اللي حصاااال؟؟اقلكم انا..انا واصحابي فآداب انجليزي بناخد كورس ف مبني الجامعه مع معهد نيوهورايزن واتفقنا مع المدرب ان النهارده يكون فيه حصتين فاصل ساعه بينهم...قشطه؟؟طيب..قررت زميلتنا رحاب انها تعمل عيدميلادها فالساعه دي..وفعلا اشترت التورته والبيتزا والبيبسي والشمع وكله وجت ساعه الصفر لبدء الاحتفال..لما حطينا الحاجات علي الطرابيزه مر من جنب الباب العامل المسؤل عن فتح وقفل الكلاسات فشاف الحاجه مرصوصه وبيبسي وحاجات فقالنا ايه:لا لا ايه ده هتوسخوا المكان بلاش...فقلناه بل اكدناله اننا مش هنوسخ حاجه ابدا..احنا عاملين حسابنا متقلقش..هوفعلا كنا عاملين حسابنا الا علي الحاجه اللي هتحصل بعدها بكام دقيقة!قررنا قبل ما نعمل اي حاجه نتصور..كل واحد فينا أخدله بوزpauseوبديت اصورهم..واذا بواحدة صحبتنا تقرر انها تديني كاميرتها وتتصور هيا مع البنات..واول ما راحت ومن حيث لا تدري ..فجاة وقعت ورجلها خبطت الطرابيزة والمفاجعه تقع ازازة الاتنين لتر كولا عالارض محدثة ضجيجا مدويا نصنا بص بفزع ع الكولا ونصنا بص علي صحبتناووقفنا في ذهول تام وفجأة بدينا نضحك بهيستريا...كانت الكولا مغرقه الارض تخيلوا 2ليتر مدلوقين ع الارض!قاطعتهم فجاة مش كانكم نسيين حاجه؟بصوا باستغرابمش الراجل قال منوسخش المكانا امال ده ايه ده؟؟كل واحد طلع المناديل اللي معاه بس هتمسح ايه ولا ايه ..اكتشفنا ان الدنيا اطينت زياده..وبسرعه اطلقت ساقي للريح في رحلة بحث عن ادوات الكفاح {مساحه-جروف-مقشة-ديتول اذا لقيت(: }وخرجت قوافل ورائي للتفتيش (نفرين بس)الباقي انخرطوا في الضحك..المهم لقيت مساحه (المستطيلة دي اللي بيستعملوها عمال النظافه فالمستشفيات والمولات) واول ما دخلت بيها الكلاس سخسخوا علي روحهم م الضحك..وبديت امسح وواحدة تانية جابت مساحه عاديه وبدت تمسحهي كمان وياعيني المدرب وبعض الطلبه بدؤا يشيلوا الطرابيزه عشان نعرف نمسح..وكلنا مش عارفين نبطل ضحك..بسرعه اديت المساحه لصحبتي وجريت ادور علي مقشه وجروف قبل ما الراجل يقفشنا ورجعت وقعدنا نشيل فالمناديل اللي واقعه ونضحك..وطبعا الايادي تسابقت علي فتح الكاميرات وبدؤا يصوروا المشهد المذهل ده..والذ حاجه لما زميل دخل علينا بإزازة منظف زجاج واسطح اخري بنكهة الليمون قصدي بريحة الليمون وبدا يبخ ع الارض وريحته كانت مريعه فقلتله ايه ده انت بتعمل ايه ده للزجاج والاسطح الاخري؟فقاللي ماهي دي الاسطح الاخري!!من الاخر كان منظرنا يهلك م الضحك ..واخيرا دارينا اثار الجريمه وتاوينا القتيل (زجاجة الكولا اللي انفجرت طبعا)قلتلهم هو احنا عمر ما هيعدي علينا يوم ف الجامعه دي ويكون طبيعي ابدا!!!واكلنا وشربنا وكملنا الكورس ومقدرتش امنع قلمي وقلت لازم اكتب اول ما ارجع واديني فعلا لسه مبدلتش هدومي حتي وبكتب لكم..اتمني تكونوا قدرتوا تتخيلوا الموقف كان عامل ازاي وكنا احنا ساعتها عاملين ازاي!!
happy birthday
للجمييع
تورتة عيد الميلاد في الصورة قبل وقوع الحادثة !!
